കോഴിക്കോട്: താമരശേരി സ്റ്റേഷനിലെ പ്രിന്സിപ്പല് എസ്ഐ സനൂജ് ഹൃദയാഘാതത്തെ തുടര്ന്ന് മരിച്ചു. ഇന്ന് രാവിലെ സ്റ്റേഷനില് ഡ്യൂട്ടിക്ക് എത്തിയപ്പോള് നെഞ്ചുവേദന അനുഭവപ്പെടുകയായിരുന്നു.
തുടര്ന്ന് താമരശേരി താലൂക്ക് ആശുപത്രിയില് പ്രാഥമിക ചികിത്സ നല്കിയശേഷം കോഴിക്കോട് മെഡിക്കല് കോളജ് ആശുപത്രിയിലേക്ക് കൊണ്ടുപോകും വഴിയായിരുന്നു അന്ത്യം.
കോഴിക്കോട് സ്വദേശിയാണ് സനൂജ്. നേരത്തേ മാനന്തവാടിയില് പ്രൊബേഷന് എസ്ഐ ആയിരുന്നു. കല്പറ്റയിലും പേരാമ്പ്രയിലും ജോലി ചെയ്തിട്ടുണ്ട്. ഭാര്യ: നിമിഷ. നാലു വയസുള്ള മകന് എല്കെജി വിദ്യാര്ഥിയാണ്.