ജിദ്ദ: സുരക്ഷാ ജീവനക്കാരുടെ അകമ്പടിയില്ലാതെ സൗദി കിരീടാവകാശി മുഹമ്മദ് ബിന്‍ സല്‍മാന്‍ ജിദ്ദയിലെ റസ്റ്ററന്‍റിലെത്തിയത് കൗതുകമായി. അപ്രതീക്ഷിതമായി കിരീടാവകാശി മുന്നിലെത്തിയപ്പോള്‍ അത് പലർക്കും വിശ്വസിക്കാന്‍ കഴിഞ്ഞില്ല.
ഉപപ്രതിരോധമന്ത്രി ഖാലിദ് ബിന്‍ സല്‍മാന്‍ രാജകുമാരനും അദ്ദേഹത്തോടൊപ്പമുണ്ടായിരുന്നു. കിരീടാവകാശിയെ കണ്ട് റസ്റ്ററന്‍റിൽ ഭക്ഷണം കഴിക്കുന്നവരും ജീവനക്കാരും അമ്പരുന്നു. തുടർന്ന് അദ്ദേഹത്തൊടൊപ്പം ഫോട്ടോയെടുത്താണ് പലരും മടങ്ങിയത്.ഇത്തരത്തില്‍ സുരക്ഷാ ജീവനക്കാരില്ലാതെ ഭരണാധികാരികള്‍ പൊതുസ്ഥലങ്ങളിലെത്തുന്നത് അപൂർവ്വമാണ്.