ദുബായ്: ദുബായിലെ സാലിക് ഓഹരി 2 ദിർഹത്തിന് സ്വന്തമാക്കാം. പ്രാരംഭ പൊതുഓഫറിംഗിലൂടെ 3 ബില്ല്യണ്‍ ദിർഹം സമാഹരിക്കുകയാണ് ലക്ഷ്യമെന്ന് ടോള്‍ ഗേറ്റ് ഓപറേറ്റർ സാലിക് കമ്പനി അറിയിച്ചു. 15 ബില്യണ്‍ ദിര്‍ഹത്തിന്‍റെ മാര്‍ക്കറ്റ് ക്യാപിറ്റലൈസേഷന്‍ സൂചിപ്പിക്കുന്ന ഐപിഒയുടെ വില ഒരു ഷെയറിന് 2 ദിര്‍ഹമായാണ് നിശ്ചയിച്ചിരിക്കുന്നത്.
ഈ വർഷം ഓഹരി വില്‍പന നടത്തുന്ന നാലാമത്തെ പൊതുമേഖലസ്ഥാപനമാണ് സാലിക്. സാലികിന്‍റെ 20 ശതമാനം ഓഹരികളാണ് വില്‍ക്കുന്നത്. യുഎഇയിലെ പ്രമുഖ ബാങ്കുകള്‍ വഴി സാലിക്കിന്‍റെ ഓഹരികള്‍ വാങ്ങാം. ഈ മാസം 29 ന് സാലിക് ദുബായ് ഫിനാന്‍ഷ്യല്‍ മാർക്കറ്റില്‍ ലിസ്റ്റ് ചെയ്യും