ഉമ്മുൽ ഖുവൈന്‍: ഒറ്റത്തവണ ഉപയോഗിക്കാന്‍ കഴിയുന്ന പ്ലാസ്റ്റിക് ബാഗുകള്‍ക്ക് നിരോധനം ഏ‍ർപ്പെടുത്താന്‍ ഒരുങ്ങി ഉമ്മുല്‍ ഖുവൈന്‍. 2023 ജനുവരി ഒന്നുമുതലായിരിക്കും നിരോധനം നിലവില്‍ വരിക. അതേസമയം വ്യാപാരസ്ഥാപനങ്ങളില്‍ ഒറ്റത്തവണ ഉപയോഗിക്കുന്ന എല്ലാ പ്ലാസ്റ്റിക് ബാഗുകൾക്കും 25 ഫിൽസ് ചാർജ് ഈടാക്കുമെന്നും എക്‌സിക്യൂട്ടീവ് കൗൺസിൽ വ്യക്തമാക്കി.
പൂർണമായ നിരോധനത്തിലേക്ക് പോകുന്നതിന് മുന്നോടിയായാണ് താരിഫ് ഏർപ്പെടുത്തുന്നത്. ഒറ്റത്തവണ ഉപയോഗിക്കുന്ന പ്ലാസ്റ്റിക് ബാഗുകൾക്ക് പകരം പുനരുപയോഗിക്കാവുന്ന ബാഗുകൾ ഉപയോഗിക്കാന്‍ ഉപഭോക്താക്കളെ പ്രോത്സാഹിപ്പിക്കുകയും പ്ലാസ്റ്റിക്കിന് പകരം സുസ്ഥിരമായ ബദലുകൾ ഉപയോഗിക്കുന്നതിന്‍റെ പ്രാധാന്യത്തെക്കുറിച്ച് ബോധവൽക്കരണവും സംഘടിപ്പിക്കും.