ദുബായ് : അന്താരാഷ്ട്ര വിപണിയില്‍ ഇന്ത്യന്‍ രൂപയുടെ മൂല്യതകർച്ച തുടരുന്നു. ഡോളറുമായി 83 രൂപ 06 പൈസയാണ് ഇന്ത്യന്‍ രൂപയുടെ വിനിമയനിരക്ക്.വ്യാപാരം ആരംഭിച്ചപ്പോള്‍ 83 രൂപ 05 പൈസയായിരുന്നുവെങ്കില്‍ വീണ്ടും ഒരു പൈസ കൂടി ഇടിയുകയായിരുന്നു. ഇന്നലെ വ്യാപാരം അവസാനിപ്പിച്ചപ്പോള്‍ ഉളള മൂല്യത്തില്‍ നിന്ന് 6 പൈസയുടെ ഇടിവാണ് ഇന്ന് രൂപയ്ക്കുണ്ടായിരിക്കുന്നത്.
ദിർഹവുമായും ഇന്ത്യന്‍ രൂപയുടെ മൂല്യം ഇടിഞ്ഞു. ഒരു ദിർഹവുമായി 22 രൂപ 63 പൈസയാണ് വിനിമയ നിരക്ക്. അതേസമയം ആഗോള വിപണിയില്‍ എണ്ണവില ബ്രന്‍റ് ക്രൂഡ് ബാരലിന് 0.17 ശതമാനം ഇടിഞ്ഞ് 92.25 ഡോളറിലെത്തി.