അബുദാബി : ലോകത്തിലെ ഏറ്റവും നീളമേറിയ എണ്ണ – വാതക കിണർ കുഴിച്ച് അബുദാബി നാഷണൽ ഓയിൽ കമ്പനി ലോക റെക്കോർഡ് നേടി. അപ്പർ സഖൂം എണ്ണപ്പാടത്താണ് അഡ്നോക് എണ്ണക്കിണർ നി‍ർമ്മിച്ചത്. അമ്പതിനായിരം അടിയിലേറെ നീളമാണ് (15,240 മീറ്റർ ) ഈ എണ്ണക്കിണറിനുള്ളത്.
2017 ൽ റെക്കോർഡ് നേടിയ റഷ്യയുടെ എണ്ണകിണറിന് 15,000 മീറ്ററായിരുന്നു നീളം. ആഗോള ഊർജ ആവശ്യങ്ങളെ നിറവേറ്റുന്നതിന് അഡ്നോക്കിന്‍റെ ശ്രമങ്ങൾക്ക് കരുത്ത് പകരുന്നതാണ് പുതിയ എണ്ണക്കിണറെന്നാണ് വിലയിരുത്തല്‍. ജീവനക്കാരുടെ കഠിനാധ്വാനത്തിന്‍റെ ഫലമാണ് ഈ നേട്ടമെന്ന് അഡ്നോക് ഡ്രിലിംഗ് സി ഇ ഒ അബ്ദുറഹിമാൻ അബ്ദുള്ള അൽ സയാരി പറഞ്ഞു.