ദുബായ്: യുഎഇയില്‍ നവംബർ മാസത്തേക്കുളള ഇന്ധനവില ഇന്ന് പ്രഖ്യാപിച്ചേക്കും. ഒക്ടോബറില്‍ ഇന്ധനവില കുറഞ്ഞിരുന്നു. കഴിഞ്ഞ ജൂലൈയിലാണ് ആഗോള സാഹചര്യത്തിന് അനുസൃതമായി ഇന്ധനവില കൂടിയത്. സൂപ്പർ 98 പെട്രോള്‍ ലിറ്ററിന് 4 ദിർഹം 63ഫില്‍സായി ഉയർന്നിരുന്നു.എന്നാല്‍ ഓഗസ്റ്റ് മുതല്‍ ഇന്ധനവിലയിലുണ്ടാകുന്ന കുറവ് ആശ്വാസമായിരുന്നു.ഒക്ടോബറിൽ സൂപ്പർ 98 പെട്രോൾ ലിറ്ററിന് 3.03 ദിർഹമായിരുന്നു നിരക്ക്.
ജൂലൈയിലെ നിരക്കുമായി താരതമ്യം ചെയ്യുമ്പോൾ 1.6 ദിർഹത്തിന്‍റെ ഇടിവാണുണ്ടായിരിക്കുന്നത്. ആഗോള വിപണിയില്‍ എണ്ണവിലയിലുണ്ടായ ഏറ്റകുറച്ചിലുകള്‍ ഇത്തവണത്തെ ഇന്ധനവിലയിലും പ്രതിഫലിക്കുമെന്നാണ് വിലയിരുത്തല്‍.