അബുദാബി: യുഎഇയില്‍ 12 വയസിനുമുകളിലുളള കുട്ടികള്‍ക്ക് കോവിഡ് ഫൈസർ വാക്സിനെടുക്കുന്നതിനുളള ബുക്കിംഗ് ആംരഭിച്ചു. കോവിഡ് മൊഹാപ് യുഎഇ എന്ന ആപ്പ ഇന്‍സ്റ്റാള്‍ ചെയ്തതിന് ശേഷം വാക്സിനേഷനായുളള ബുക്കിംഗ് എടുക്കാവുന്നതാണ്.
12 മുതല്‍ 15 വയസുവരെയുളള കുട്ടികള്‍ക്ക് ഫൈസർ- ബയോ ടെക് വാക്സിൻ അടിയന്തിരമായി ഉപയോഗിക്കുന്നതിന് ആരോഗ്യ-പ്രതിരോധ മന്ത്രാലയമാണ് അംഗീകാരം നൽകിയത്. ഈ പ്രായത്തിലുളളവർക്ക് വാക്സിന്‍ നല്‍കുന്നതുമായി ബന്ധപ്പെട്ട പരീക്ഷണങ്ങള്‍ തൃപ്തികരമായ സാഹചര്യത്തിലാണ് അനുമതി നല്‍കിയിരിക്കുന്നത്.