അബുദബി: അബുദബിയില്‍ ലോറിയും കാറും കൂട്ടിയിടിച്ച് കത്തിയുണ്ടായ അപകടത്തില്‍ ഒരാള്‍ മരിച്ചു.സ്വീഹാന്‍ റോഡില്‍ അല്‍ ഷംക പാലത്തിന് സമീപം ചൊവ്വാഴ്ചയാണ് അപകടമുണ്ടായത്. ഒരു വാഹനത്തിന്‍റെ ഡ്രൈവറാണ് മരിച്ചത്. മരണപ്പെട്ട ഡ്രൈവറുടെ കുടുംബത്തിന് അബുദാബി പൊലീസ് അനുശോചനം അറിയിച്ചു.
രാവിലെ 8 മണിയോടെയാണ് കണ്‍ട്രോള്‍ റൂമില്‍ അപകടവിവരം ലഭിച്ചത്. ഉടനെ തന്നെ സംഘം സ്ഥലത്തെത്തി രക്ഷാപ്രവർത്തനം നടത്തി. റോഡ് അടച്ചു. വാഹനമോടിക്കുന്നവരോട് മറ്റ് റോഡുകള്‍ ഉപയോഗിക്കണമെന്ന നിർദ്ദേശവും നല്‍കി.