റിയാദ്: എണ്ണ ഉല്‍പാദനം വർദ്ധിപ്പിക്കുമെന്ന റിപ്പോർട്ടുകള്‍ നിഷേധിച്ച് സൗദി അറേബ്യ. ഉൽപ്പാദനം വെട്ടിക്കുറയ്ക്കാനുള്ള ഒപെക് തീരുമാനം 2023 അവസാനം വരെ തുടരുമെന്ന് സൗദി വ്യക്തമാക്കി. പ്രതിദിനം 500,000 ബാരൽ (ബിപിഡി) ഉൽപ്പാദനം വർധിപ്പിക്കുന്നതിനെക്കുറിച്ച് സൗദി അറേബ്യ മറ്റ് ഒപെക് രാജ്യങ്ങളുമായി ചർച്ച ചെയ്യുന്നതായി അടുത്തിടെ വന്ന റിപ്പോർട്ടുകൾക്ക് അടിസ്ഥാനമില്ലെന്ന് ഊർജ മന്ത്രി അബ്ദുൽ അസീസ് ബിൻ സൽമാൻ രാജകുമാരൻ പറഞ്ഞു.
ഒപെക് തീരുമാനപ്രകാരം നിലവിലെ രണ്ട് ദശലക്ഷം ബിപിഡി വെട്ടിക്കുറച്ചത് 2023 അവസാനം വരെ തുടരും, വിതരണവും ആവശ്യവും സന്തുലിതമാക്കുന്നതിന് ഉൽപ്പാദനം കുറച്ചുകൊണ്ട് കൂടുതൽ നടപടികൾ കൈക്കൊള്ളേണ്ടതുണ്ടെങ്കിൽ ഇടപെടുമെന്നും അദ്ദേഹം പറഞ്ഞു.