അബുദാബി: യുഎഇ ദേശീയ ദിനത്തോട് അനുബന്ധിച്ച് 1530 തടവുകാരെ വിട്ടയക്കാന്‍ യുഎഇ രാഷ്ട്രപതി ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ ഉത്തരവിട്ടു. വിവിധ കുറ്റങ്ങൾക്ക് ജയിൽ ശിക്ഷ അനുഭവിച്ചവർക്കാണ് മാപ്പ് നല്‍കി വിട്ടയക്കുന്നത്. ഈ തടവുകാരുടെ സാമ്പത്തിക ബാധ്യതകൾ തീർക്കാനും നിർദ്ദേശമുണ്ട്.
തടവുകാർക്ക് പുതുതായി ജീവിതം ആരംഭിക്കാനും ഭാവിയെക്കുറിച്ച് പുനർവിചിന്തനം ചെയ്യാനുമുളള അവസരമാണ് ഭരണാധികാരികള്‍ നല‍്കുന്നത്. എല്ലാ വർഷവും, പ്രത്യേക അവസരങ്ങളിൽ ഇത്തരത്തില്‍ തടവുകാരെ മാപ്പ് നല്‍കി വിട്ടയക്കാറുണ്ട്.