ഒമാൻ: ഒക്ടോബർ 1 മുതൽ പ്രവാസികൾക്ക് ഒമാനിലേക്ക് മടങ്ങുന്നതിന് പ്രത്യേക അനുമതി ആവശ്യമില്ല
സാധുവായ വിസയുള്ളവർക്ക്‌ ഒമാനിലേക്ക് മടങ്ങുന്നതിന് വിദേശകാര്യ മന്ത്രാലയത്തിന്റെ അനുമതി ആവശ്യമില്ലെന്ന് മന്ത്രാലയത്തിലെ ഒരു ഉന്നത ഉദ്യോഗസ്ഥൻ പറഞ്ഞു.
മാർച്ചിൽ അന്താരാഷ്ട്ര വിമാന സർവീസുകൾ നിർത്തിവച്ചതിനുശേഷം ആയിരക്കണക്കിന് പ്രവാസികൾ വിദേശത്ത് കുടുങ്ങിക്കിടക്കുന്നതിനാൽ , ആറുമാസത്തിലധികം നീണ്ടു നിന്ന COVID-19 മുൻകരുതൽ നടപടികൾക്ക് ശേഷമാണ് ഈ നീക്കം.
സാധുവായ റെസിഡൻസി വിസ കൈവശമുള്ളവർക്ക് ഒക്ടോബർ 1 മുതൽ സുൽത്താനേറ്റിലേക്ക് അനുമതി ലഭിക്കാതെ മടങ്ങിവരാമെന്ന് ഡിപ്ലോമാറ്റിക് അഫയേഴ്സ് വിദേശകാര്യ മന്ത്രാലയത്തിന്റെ അണ്ടർസെക്രട്ടറിയും കോവിഡ് -19 പകർച്ചവ്യാധി കൈകാര്യം ചെയ്യുന്നതിനുള്ള സുപ്രീം സമിതി അംഗവുമായ ശൈഖ് ഖലീഫ ബിൻ അലി അൽ ഹർത്തി പറഞ്ഞു.
സാധുവായ റെസിഡൻസി വിസയുള്ളവർ സുൽത്താനേറ്റിലേക്ക് മടങ്ങുന്നതിന് വിദേശകാര്യ മന്ത്രാലയത്തിന്റെ അനുമതി വാങ്ങേണ്ടതില്ല. എന്നിരുന്നാലും, അവർ എത്തുമ്പോൾ പി‌സി‌ആർ പരിശോധന നടത്തുകയും രണ്ടാഴ്ചത്തെ ക്വാറന്റൈനിൽ കഴിയുകയും വേണം , ”അദ്ദേഹം കൂട്ടിച്ചേർത്തു.
(രാജേഷ് കൂത്രപ്പള്ളി)