ദുബായ്:യുഎഇ പ്രസിഡന്‍റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാനുമായി ടെലഫോണില്‍ സംസാരിച്ച് പ്രധാനമന്ത്രി നരേന്ദ്രമോദി. ഇരു രാജ്യങ്ങളും തമ്മിലുളള ഉഭയകക്ഷി ബന്ധങ്ങളെക്കുറിച്ചും മെച്ചപ്പെടുത്തുന്നതിനെ കുറിച്ചും ഇരുവരും ചർച്ച ചെയ്തു.
ഇരു രാജ്യങ്ങളും തമ്മിലുളള സമഗ്രമായ തന്ത്രപരവും സാമ്പത്തികവുമായ പങ്കാളിത്തം ചർച്ചയില്‍ വിഷയമായി. പരസ്പര പരിഗണനയുളള പ്രാദേശിക അന്തർദേശീയ വിഷയങ്ങളില്‍ കാഴ്ചപ്പാടുകള്‍ കൈമാറുകയും സംഭവ വികാസങ്ങള്‍ അവലോകനം ചെയ്യുകയും ചെയ്തു. വികസന ലക്ഷ്യങ്ങൾ കൂടുതൽ കൈവരിക്കുന്നതിന് ഇരു രാജ്യങ്ങളും വിവിധ മേഖലകളിൽ പങ്കാളിത്തവും സഹകരണവും വളർത്തുമെന്നും ഇരു ഭരണാധികാരികളും സ്ഥിരീകരിച്ചു.