ദുബായ്: യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം ഇന്‍റർനാഷണല്‍ സ്പേസ് സ്റ്റേഷനിലുളള സുല്ത്താന് അല്‍ നെയാദിയുമായി ആശയവിനിമയം നടത്തും.മാർച്ച് 7ന് യുഎഇ സമയം വൈകുന്നേരം 4.50 നാണ് ഇരുവരും തമ്മിൽ ആശയ വിനിമയം നടത്തുക. നാസയാണ് ഇക്കാര്യം അറിയിച്ചത്.
ബഹിരാകാശ സഞ്ചാരികളുമായി യുഎഇയിലെ വിദ്യാർത്ഥികൾക്ക് ചോദ്യങ്ങൾ ചോദിക്കാനുള്ള പ്രതിവാര പരിപാടികളും നടത്തും. 20,000 വിദ്യാർത്ഥികളെ ഉൾപ്പെടുത്തിയുള്ള പ്രത്യേക പരിപാടിയ്ക്ക് നേത്യത്വം വഹിക്കുന്നത് മുഹമ്മദ് ബിൻ റാഷിദ് സ്പേസ് സെന്‍റർ (എംബിആർഎസ്‌സി) ആണ്.