ദുബായ്:യുഎഇ ഉള്‍പ്പടെയുളള ഗള്‍ഫ് രാജ്യങ്ങളിലെ അന്തരീക്ഷ താപനില ഉയരും. രാജ്യത്ത് അന്തരീക്ഷം മേഘാവൃതമായിരിക്കുമെങ്കിലും താപനില ഉയരുമെന്നാണ് യുഎഇ ദേശീയ കാലാവസ്ഥ നിരീക്ഷണകേന്ദ്രം നല്‍കുന്ന സൂചന. കാലാവസ്ഥ മാറ്റമുണ്ടാകുമ്പോള്‍ മഴ പ്രതീക്ഷിക്കാം. രാജ്യത്തെ പടിഞ്ഞാറന്‍-തെക്കന്‍ മേഖലകളിലാണ് മഴ പ്രതീക്ഷിക്കുന്നതെന്നും അറിയിപ്പ് വ്യക്തമാക്കുന്നു.
സൗദി അറേബ്യയിലും താപനില ഉയരുമെന്നാണ് കാലാവസ്ഥ പ്രവചനം. രാജ്യത്ത് ശരാശരി 50 ഡിഗ്രി സെല്‍ഷ്യസ് വരെ താപനില ഉയരാറുണ്ട്. കുവൈറ്റിലും താപനില 49 മുതല്‍ 50 ഡിഗ്രിവരെ ഉയരുന്നത് പതിവാണ്. കഴിഞ്ഞ വർഷം ജഹ്‌റയിലും സാല്‍മിയയിലും 50 ന് മുകളില്‍ താപനില രേഖപ്പെടുത്തിയിരുന്നു. ഖത്തറിലും ചൂട് കൂടുമെന്നാണ് മുന്നറിയിപ്പ്.