ദുബായ്: ദുബായ് മീഡിയ സിറ്റിയില്‍ ഭൂചലനപ്രകമ്പനം അനുഭവപ്പെട്ടതായി സമൂഹമാധ്യമങ്ങളില്‍ പ്രതികരണങ്ങള്‍. തിങ്കളാഴ്ച രാവിലെ 10 മണിയോടെ പ്രകമ്പനം അനുഭവപ്പെട്ടതായി ദുബായ് മീഡിയാ സിറ്റിയിയിലെ ജീവനക്കാരും താമസക്കാരും സമൂഹമാധ്യമങ്ങളിലൂടെ പ്രതികരിച്ചു.
പ്രകമ്പനം അനുഭവപ്പെട്ടുവെന്നും ഭൂചലനമുണ്ടായോയെന്നും മറ്റുമുളള ചോദ്യങ്ങളും പലരും സമൂഹമാധ്യമങ്ങളിലൂടെ പങ്കുവയ്ക്കുന്നു. ദുബായിലെ ദ പേള്‍ എന്ന കെട്ടിടം തകർത്തപ്പോഴും സമാനമായ പ്രകമ്പനം മീഡിയ സിറ്റി ഭാഗത്ത് അനുഭവപ്പെട്ടിരുന്നു. ഇത്തരത്തിലുളള കുലുക്കമാണോ അനുഭവപ്പെട്ടതെന്നുളള ചോദ്യവും പലരും പങ്കുവച്ച സമൂഹമാധ്യമ പോസ്റ്റുകളിലുണ്ട്. ഇത് സംബന്ധിച്ച് ഔദ്യോഗികമായുളള പ്രതികരണങ്ങള്‍ ലഭ്യമായിട്ടില്ല.