ഏറ്റുമാനൂർ: അമേരിക്കയിലെ കാലിഫോർണിയയിൽ മലയാളി വിദ്യാർഥി വെടിയേറ്റ് മരിച്ചു. കൈപ്പുഴ കാവിൽ സണ്ണിയുടെ മകൻ ജാക്സൺ (17) ആണ് മരിച്ചത്.
ഇന്ത്യൻ സമയം വെള്ളിയാഴ്ച ഉച്ചക്ക് ശേഷമാണ് സംഭവം. ജാക്സന്റെ അമ്മ റാണി അമേരിക്കയിൽ നഴ്സാണ്. ജ്യോതി, ജോഷ്യ, ജാസ്മിൻ എന്നീ സഹോദരങ്ങളും ഉണ്ട്.
1992 ൽ ആണ് സണ്ണി യുഎസിലേക്ക് കുടിയേറിയത്. ഇപ്പോൾ കുടുംബസമേതം അവിടെയാണ് താമസം. 2019 ൽ ആണ് ഏറ്റവുമൊടുവിൽ നാട്ടിലെത്തിയത്.
സംസ്കാരം യുഎസിൽത്തന്നെ നടത്തുമെന്ന്‌ കൈപ്പുഴയിലുള്ള സണ്ണിയുടെ സഹോദരി പറഞ്ഞു.