ഷാർജ: എമിറേറ്റിലെ സർക്കാർ സ്ഥാപനങ്ങളില്‍ ജോലിയില്‍ പ്രവേശിക്കുന്നതിനുളള ഉയർന്ന പ്രായ പരിധിയില്‍ മാറ്റം വരുത്തി ഷാർജ. 18 മുതല്‍ 60 വയസുവരെ പ്രായമുളളവർക്ക് സർക്കാർ സ്ഥാപനങ്ങളില്‍ ജോലിയ്ക്കായി അപേക്ഷിക്കാം. സാമൂഹിക സുരക്ഷ ഫണ്ട് നിയമവകുപ്പാണ് ഇക്കാര്യം അറിയിച്ചത്.
ഡയറക്ട് ലൈന്‍ എന്ന വാർത്താ പരിപാടിയിലൂടെ ഭരണാധികാരി ഷെയ്ഖ് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയാണ് ഇത് സംബന്ധിച്ച പ്രഖ്യാപനം നടത്തിയത്. ഇത് കൂടാതെ സർക്കാറിന്‍റെ വിവിധ വകുപ്പുകളിലും സ്ഥാപനങ്ങളിലും ഭിന്നശേഷിക്കാരായ 45 ഉദ്യോഗാർഥികളെ നിയമിക്കാനും സുൽത്താൻ നിർദ്ദേശിച്ചിരുന്നു.