ഇസ്ലാമബാദ്: പാകിസ്ഥാനിലുണ്ടായ വന് സ്ഫോടനത്തില് 40 പേര് മരിച്ചു. 200 ലധികം പേര്ക്ക് പരിക്കേറ്റു. ഇതില് 17 പേരുടെ നില അതീവ ഗുരുതരമാണ്.
ഖൈബര് പഖ്തുന്ഖ്വാ പ്രവിശ്യയില്പ്പെട്ട ബജൗര് ജില്ലയിലെ ഖര് നഗരത്തില് ജംഇയ്യത്ത് ഉലമ ഇ-ഇസ്ലാം-ഫസല് (ജെയുഐഎഫ്) പാര്ട്ടി യോഗത്തിനിടെ വന് സ്ഫോടനം.
രക്ഷാപ്രവര്ത്തനം പുരോഗമിക്കുകയാണ്. പരിക്കേറ്റവരെ ആശുപത്രിയിലേക്ക് മാറ്റിയതായി പൊലീസ് പറഞ്ഞു. മരണ സംഖ്യ ഇനിയും ഉയര്ന്നേക്കാമെന്നും പൊലീസ് വ്യക്തമാക്കി.
സ്ഫോടനത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. സ്ഫോടനം നടക്കുമ്പോള് നാനൂറിലധികം പ്രവര്ത്തകര് സമ്മേളന സ്ഥലത്തുണ്ടായിരുന്നു.