ദുബായ്: യുഎഇയില്‍ ടൂറിസ്റ്റ് വിസകള്‍ ഒരു മാസത്തേക്ക് കൂടി നീട്ടി നല്‍കാന്‍ ദുബായ് ഭരണാധികാരിയുടെ ഉത്തരവ്. വിവിധ രാജ്യങ്ങള്‍ അതി‍ർത്തികള്‍ അടച്ച പശ്ചാത്തലത്തില്‍ ടൂറിസ്റ്റ് വിസയിലെത്തിയവർക്ക് ആശ്വാസകരമാകാനാണ് തീരുമാനമെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം അറിയിച്ചു. ഉത്തരവ് പ്രകാരം യുഎഇ സന്ദർശിക്കുന്ന എല്ലാ വിനോദസഞ്ചാരികൾക്കും ഫീസില്ലാതെ വിസ ഒരു മാസത്തേക്ക് നീട്ടിക്കൊടുക്കും.