അബുദാബി: യുഎഇയിലെ ശൈത്യകാലത്ത് ഇത്തവണ ആദ്യമായി അന്തരീക്ഷ താപനില പൂജ്യം ഡിഗ്രി സെല്‍ഷ്യസിനുതാഴെയെത്തി. കാലാവസ്ഥ നിരീക്ഷണകേന്ദ്രത്തിന്‍റെ അറിയിപ്പ് പ്രകാരം അലൈനിലെ റക്നാ പ്രദേശത്താണ് താപനില -2 ഡിഗ്രി സെല്‍ഷ്യസായത്.
കഴിഞ്ഞ ദിവസം ഇതേ മേഖലയില്‍ 1.9 ഡിഗ്രി സെല്‍ഷ്യസും താപനില രേഖപ്പെടുത്തിയിരുന്നു. ശനിയാഴ്ച പൊതുവെ തെളിഞ്ഞ കാലാവസ്ഥയായിരിക്കും രാജ്യത്ത് അനുഭവപ്പെടുക. അതേസമയം മലനിരകളില്‍ 2°C നുതാഴെ താപനിലയെത്തിയേക്കും. കടല്‍ പ്രക്ഷുബ്ധമായിരിക്കുമെന്നും കാലാവസ്ഥനിരീക്ഷണകേന്ദ്രം അറിയിച്ചു.