അബുദാബി: യുഎഇയില്‍ ഒന്‍പത് മുതല്‍ 12 വരെയുള്ള ക്ലാസുകളില്‍ ഓണ്‍ലൈന്‍ പഠനം തുടരാൻ തീരുമാനം. 17 മുതല്‍ കുട്ടികള്‍ സ്‍കൂളുകളിലേക്ക് എത്തണമെന്നായിരുന്നു നേരത്തെയുള്ള തീരുമാനം. എന്നാൽ ഇത് നീട്ടിവെച്ചുകൊണ്ട് അറിയിപ്പ് വിദ്യാഭ്യാസ മന്ത്രാലയം ആണ് പുറത്തിറക്കിയത്.
ഈ മാസം ആദ്യം മുതല്‍ രാജ്യത്തെ കോവിഡ് കേസുകളിലുണ്ടായ വര്‍ദ്ധനവ് കണക്കിലെടുത്താണ് അധികൃതരുടെ ഈ തീരുമാനം. സ്‍കൂളില്‍ വന്ന് പഴയതുപോലെ പഠനം തുടരാന്‍ തീരുമാനിച്ച വിദ്യാർത്ഥികളോട് ഓണ്‍ലൈന്‍ രീതി തന്നെ തുടരാനും ജാഗ്രത പാലിക്കണമെന്നും വിദ്യാഭ്യാസ മന്ത്രാലയം നിര്‍ദേശം നല്‍കി.