മെക്സിക്കോ സിറ്റി: വടക്കൻ മെക്സിക്കോയിൽ വെള്ളിയാഴ്ച പുലർച്ചെയുണ്ടായ വെടിവയ്പ്പിൽ ആറ് പേർ മരിക്കുകയും 26 പേർക്ക് പരിക്കേൽക്കുകയും ചെയ്തതായി റിപ്പോർട്ട്. അതിർത്തി സംസ്ഥാനമായ സോനോറയിലെ സിയുഡാഡ് ഒബ്രെഗോൺ നഗരത്തിലാണ് സംഭവം നടന്നത്. പാർട്ടിയിലേക്ക് ഇരച്ചു കയറിയ തോക്കുധാരികളാണ് ആക്രണം നടത്തിയത്. പാർട്ടി പ്രവർത്തകർക്ക് നേരെയാണ് വെടിയുതിർത്തത്.
മരിച്ചവരിൽ രണ്ട് പേർ 18 വയസ്സിന് താഴെയുള്ളവരും പരിക്കേറ്റവരിൽ അഞ്ച് പേർ കുട്ടികളുമാണ്. പരിക്കേറ്റ് ചികിത്സയിൽ കഴിയുന്ന നാല് പേർ ഗുരുതരാവസ്ഥയിലാണെന്നും 13 പേരെ ചികിത്സിച്ച് വിട്ടയച്ചതായും വാർത്താ ഏജൻസിയായ എപി റിപ്പോർട്ട് ചെയ്തു. സംഭവത്തിന് പിന്നാലെ പ്രതികൾ രക്ഷപ്പെട്ടതായും ഉദ്യോഗസ്ഥർ പറഞ്ഞു.