കൊച്ചി: കുസാറ്റ് ദുരന്തത്തില് പ്രിന്സിപ്പലിനെയും അധ്യാപകരെയും പ്രതി ചേര്ത്ത് പൊലീസ്. സ്കൂള് ഓഫ് എഞ്ചിനീയറിങ് പ്രിന്സിപ്പലായിരുന്ന ഡോ. ദീപക് കുമാര് സാഹു, ടെക് ഫെസ്റ്റിന്റെ ചുമതലക്കാരായ രണ്ട് അധ്യാപകര് എന്നിവരെയാണ് പ്രതിയാക്കിയത്. മനപൂര്വമല്ലാത്ത നരഹത്യാ വകുപ്പാണ് ഇവര്ക്കെതിരെ ചുമത്തിയിരിക്കുന്നത്.
പ്രിന്സിപ്പല് ഡോ. ദീപക് കുമാര് സാഹുവാണ് കേസില് ഒന്നാം പ്രതി. കാമ്പസിനുള്ളില് പരിപാടി സംഘടിപ്പിക്കുന്നതിന് ഉന്നത വിദ്യാഭ്യാസ വകുപ്പ് പുറപ്പെടുവിച്ചിട്ടുള്ള മാര്ഗ രേഖ ലംഘിച്ചതായി അന്വേഷണത്തില് കണ്ടെത്തിയിട്ടുണ്ട്.
2023 നവംബര് 25 നായിരുന്നു ദാരുണമായ സംഭവം. ടെക് ഫെസ്റ്റിനിടെയുണ്ടായ തിക്കിലും തിരക്കിലും പെട്ട് വിദ്യാര്ത്ഥികള് അടക്കം നാല് പേരാണ് മരിച്ചത്. സംഭവത്തില് അധികൃതരുടെ ഭാഗത്ത് നിന്നും ഗുരുതര വീഴ്ചയുണ്ടായെന്നാണ് പൊലീസ് കണ്ടെത്തല്. ഇതുവരെയുള്ള അന്വേഷണത്തിന്റെ കണ്ടെത്തലുകള് ക്രോഡീകരിച്ചാണ് പൊലീസ് മജിസ്ട്രേറ്റ് കോടതിയില് റിപ്പോര്ട്ട് നല്കിയത്.