ധാക്ക: ബംഗ്ലാദേശില് ഷെയ്ഖ് ഹസീന വീണ്ടും അധികാരത്തില്. നാലാം തവണയാണ് ഷെയ്ഖ് ഹസീന പ്രധാനമന്ത്രിയായി അധികാരത്തിലെത്തുന്നത്.
പ്രധാന പ്രതിപക്ഷ പാര്ട്ടിയായ ബംഗ്ലാദേശ് നാഷണലിസ്റ്റ് പാര്ട്ടിയുള്പ്പെടെ പ്രതിപക്ഷ കക്ഷികള് ബഹിഷ്കരിച്ച പൊതുതിരഞ്ഞെടുപ്പില് ആകെയുള്ള 300 സീറ്റില് 223 സീറ്റുകളും ഹസീനയുടെ അവാമി ലീഗ് വിജയിച്ചു.
ഗോപാല്ഗഞ്ച് മണ്ഡലത്തില് മത്സരിച്ച ഹസീന രണ്ടര ലക്ഷം വോട്ടിന്റെ ഭൂരിപക്ഷത്തില് ജയിച്ചു. 1986 ന് ശേഷം എട്ടാം തവണയാണ് ഹസീന ഇവിടെ ജയിക്കുന്നത്.
നാല്പത് ശതമാനം പോളിങ് മാത്രമാണ് ഇത്തവണ രേഖപ്പെടുത്തിയത്. തടവിലുള്ള മുന് പ്രധാനമന്ത്രി ബീഗം ഖാലിദ സിയയുടെ ബംഗ്ലാദേശ് നാഷനലിസ്റ്റ് പാര്ട്ടി തിരഞ്ഞെടുപ്പു ബഹിഷ്കരിക്കാന് ആഹ്വാനം ചെയ്തതാണ് പോളിങ് കുറച്ചത്.
പോളിങ് സ്റ്റേഷനുകളിലൊരിടത്തും തിരക്കില്ലായിരുന്നു. 2018 ലെ തിരഞ്ഞെടുപ്പില് 80 ശതമാനത്തിനു മുകളിലായിരുന്നു പോളിങ്. രാജ്യത്തെ 300 പാര്ലമെന്റ് മണ്ഡലങ്ങളില് 299 എണ്ണത്തിലായിരുന്നു വോട്ടെടുപ്പ്.