ദുബായ്: ടിക്കറ്റെടുക്കാതെ യാത്ര ചെയ്യുന്നതുള്‍പ്പടെയുളള നിയമലംഘനങ്ങള്‍ക്ക് 3303 പേർക്ക് പിഴ ചുമത്തി ദുബായ് റോഡ്സ് ആന്‍റ് ട്രാന്‍സ് പോർട് അതോറിറ്റി. നൂറിലധികം കേന്ദ്രങ്ങളില്‍ നടത്തിയ പരിശോധനയിലാണ് ഇത്രയും പേർക്ക് പിഴ ചുമത്തിയത്. ബസില്‍ ടിക്കറ്റെടുക്കാതെ യാത്ര ചെയ്ത1459 പേർക്കാണ് പിഴ ചുമത്തിയിട്ടുളളത്.
1412 ടാക്സി ഡ്രൈവമാർക്ക് അനുവദനീയമായതിലും കൂടുതല്‍ യാത്രക്കാരുമായി യാത്ര നടത്തിയതിന് പിഴ കിട്ടി. അനധികൃതമായി യാത്രക്കാരെ കടത്തിയതിന് 100 പേർക്കും പിഴ ലഭിച്ചു. ഇതുകൂടാതെ ലിമോ,നോല്‍കാർഡ് ഉള്‍പ്പടെയുളള നിയമലംഘനങ്ങള്‍ക്കാണ് ബാക്കി പിഴ ചുമത്തിയിട്ടുളളത്.