തിരുവനന്തപുരം: എയര്‍ ഇന്ത്യയുടെ ആഭ്യന്തര സര്‍വീസുകള്‍ ഈ മാസം ഏഴ് മുതല്‍ ശംഖുമുഖത്തെ ആഭ്യന്തര ടെര്‍മിനലിലേക്ക് (ടി-1) മാറ്റി. നിലവില്‍ ചാക്കയിലെ അന്താരാഷ്ട്ര ടെര്‍മിനലില്‍ (ടി-2) നിന്നുള്ള ഡല്‍ഹി, മുംബൈ സര്‍വീസുകളാണ് ഏഴ് മുതല്‍ ശംഖുമുഖത്തെ ടെര്‍മിനല്‍-1ലേക്ക് മാറുന്നത്.
ഈ സര്‍വീസുകള്‍ പുറപ്പെടുന്നതും എത്തിച്ചേരുന്നതും ടി-1ല്‍ ആയിരിക്കും. സര്‍വീസുകളുടെ സമയത്തില്‍ മാറ്റമില്ല. മറ്റ് എയര്‍ലൈനുകളുടെ സര്‍വീസുകള്‍ നിലവില്‍ ഉള്ളത് പോലെ തുടരും. അന്വേഷണങ്ങള്‍ക്ക്: 8714 601 843, 8714 645 030