കോഴിക്കോട്: കൂരാച്ചുണ്ടില്‍ ജനവാസ മേഖലയില്‍ കാട്ടുപോത്തിറങ്ങി. നാട്ടുകാര്‍ തിരച്ചിലിനിറങ്ങിയതോടെ സമീപത്തുള്ള ഒരു വീടിന്റെ വളപ്പിലാണ് കാട്ടുപോത്തിനെ കണ്ടെത്തിയത്. വനം വകുപ്പ് ഉദ്യോഗസ്ഥര്‍ എത്തി ഈ വീടിന്റെ ഗെയ്റ്റ് അടച്ചു.
നിലവില്‍ വീടിന്റെ പരിസരത്ത് തന്നെ കാട്ടുപോത്ത് നിലയുറപ്പിച്ചിട്ടുണ്ട്. വനം വകുപ്പ് ഉദ്യോഗസ്ഥര്‍ ഇതിനെ നിരീക്ഷിക്കുന്നുണ്ട്. കാട്ടിലേക്ക് തുരത്താനുള്ള വഴികളും അധികൃതര്‍ തേടുന്നുണ്ട്.
പെരുവണ്ണാമുഴി വന മേഖലയില്‍ നിന്നാണ് വന്നതാണെന്നാണ് നിഗമനം.