തിരുവനന്തപുരം: സംസ്ഥാനത്ത് ഇന്ന് മുതല് ഡ്രൈവിങ് ടെസ്റ്റുകള്ക്ക് നിയന്ത്രണം. ഒരു കേന്ദ്രത്തില് 50 പേരുടെ ടെസ്റ്റ് നടത്തിയാല് മതിയെന്നാണ് ഗതാഗത വകുപ്പ് മന്ത്രി കെ.ബി ഗണേഷ് കുമാറിന്റെ നിര്ദേശം. കഴിഞ്ഞ ദിവസം ചേര്ന്ന ആര്ടിഒമാരുടെ യോഗത്തിലാണ് മന്ത്രിയുടെ നിര്ദേശം. മെയ് ഒന്ന് മുതല് നടപ്പിലാക്കാനിരിക്കുന്ന പരിഷ്ക്കരണത്തിന്റെ ഭാഗമാണ് പുതിയ നിയന്ത്രണങ്ങള്.
ദിവസവും 180 എണ്ണം വരെയുണ്ടായിരുന്ന ടെസ്റ്റുകളാണ് വെട്ടിക്കുറച്ചത്. എന്നാല് ഈ അപേക്ഷകരെ എങ്ങനെ തിരഞ്ഞെടുക്കുമെന്നതില് മോട്ടോര് വാഹന വകുപ്പിന് വ്യക്തതയില്ല. പുതിയ തീരുമാനത്തില് പ്രതിഷേധവുമായി ഡ്രൈവിങ് സ്കൂള് ജീവനക്കാര് രംഗത്തെത്തിയിട്ടുണ്ട്.
എന്നാല് കഴിഞ്ഞ ദിവസം നടന്ന യോഗത്തില് ഗതാഗത സെക്രട്ടറിയും ഗതാഗത കമ്മീഷണറും പങ്കെടുത്തിരുന്നില്ല.