മലപ്പുറം: കെസിബിസി പ്രൊ ലൈഫ് സമിതിയുടെ മാര്‍ച്ച് ഫോര്‍ കേരള യാത്ര മലപ്പുറത്ത് എത്തിച്ചേര്‍ന്നു. ജീവനും ജീവിതവും സംരക്ഷിക്കപെടണം എന്ന സന്ദേശവുമായി കാഞ്ഞങ്ങാട് നിന്നും ജൂലൈ രണ്ടിന് ആരംഭിച്ച ജീവന്‍ സംരക്ഷണ സന്ദേശ യാത്ര ജൂലൈ 18 ന് തിരുവനന്തപുരത്ത് സമാപിക്കും.
ഭ്രുണഹത്യ, ആത്മഹത്യ, കൊലപാതകം, ദയാവധം, ലഹരി വസ്തുക്കള്‍ അരുതെന്ന് ആവശ്യപ്പെട്ടുകൊണ്ടുള്ള യാത്രയ്ക്ക് സാബു ജോസ് (ജനറല്‍ കോ ഓര്‍ഡിനേറ്റര്‍) ജെയിംസ് ആഴ്ചങ്ങാടാന്‍ (ക്യാപ്റ്റന്‍) നല്‍കുന്ന സമിതിയാണ് നേതൃത്വം നല്‍കുന്നത്.
മജിഷ്യന്‍ ജോയ്സ് മുക്കുടം ജീവവിസ്മയം നല്‍കുന്ന മാജിക്ക് പരിപാടികളിലൂടെ സാമൂഹ്യ തിന്മകള്‍ക്ക് എതിരെ സന്ദേശം നല്‍കിയത് അനേകരെ ആകര്‍ഷിച്ചു. സാബു ജോസ്, ജെയിംസ് ആഴ്ചങ്ങാടാന്‍, സിസ്റ്റര്‍ മേരി ജോര്‍ജ്, മാര്‍ട്ടിന്‍ ന്യൂ നസ് എന്നിവര്‍ പ്രസംഗിച്ചു. മാര്‍ച്ച് ഫോര്‍ ലൈഫ് പര്യടനം നാളെ പാലക്കാട് ജില്ലയില്‍ നടത്തും.