ദുബായ്: ഷോപ്പിനുളളിലേക്ക് വാഹനമിടിച്ചുകയറിയുണ്ടായ അപകടത്തില് മൂന്ന് പേർക്ക് പരുക്കേറ്റു. അല് റീഫാ മേഖലയിലാണ് അപകടമുണ്ടായത്. വാഹനത്തിന്റെ നിയന്ത്രണം നഷ്ടമായതോടെയാണ് ഷോപ്പിനുളളിലേക്ക് വാഹനം ഇടിച്ചുകയറിയത്.
ഷോപ്പിനുളളിലെ ജീവനക്കാർക്കാണ് പരുക്കേറ്റത്. ഇവരെ ആശുപത്രിയില് പ്രവേശിപ്പിച്ചു. ഡ്രൈവർക്കെതിരെ നിയമപരമായ നടപടികള് ആരംഭിച്ചിട്ടുണ്ട്.