കൊച്ചി: മികച്ച പാര്‍ലമെന്റേറിയനും പ്രായോഗിക രാഷ്ട്രീയത്തിന്റെ വക്താവുമായി അറിയപ്പെടുന്ന സീതാറാം യച്ചൂരിയുടെ നിര്യാണത്തില്‍ സീറോമലബാര്‍സഭയുടെ മേജര്‍ ആര്‍ച്ചുബിഷപ്പ് മാര്‍ റാഫേല്‍ തട്ടില്‍ അനുശോചനം രേഖപ്പെടുത്തി.
മതേതര ജനാതിപത്യ ചേരിയെ ഒരുമിച്ചുനിര്‍ത്താനും ശക്തിപ്പെടുത്താനും നിര്‍ണായക സംഭാവനകള്‍ നല്‍കിയ വ്യക്തിയായിരുന്നു യച്ചൂരിയെന്ന് മേജര്‍ ആര്‍ച്ചുബിഷപ്പ് തന്റെ അനുശോചന സന്ദേശത്തില്‍ പറഞ്ഞു. പൊതുസമൂഹത്തിന് ചെയ്ത നന്മകളുടെ പേരില്‍ ജനങ്ങള്‍ അദ്ദേഹത്തെ അനുസ്മരിക്കുമെന്നും മാര്‍ റാഫേല്‍ തട്ടില്‍ പ്രസ്താവനയില്‍ അറിയിച്ചു.