കൊച്ചി: എടയാര്‍ വ്യവസായ മേഖലയില്‍ കമ്പനിയില്‍ ഉണ്ടായ പൊട്ടിത്തെറിയില്‍ ഒരാള്‍ മരിച്ചു. മൂന്ന് പേര്‍ക്ക് പരിക്ക്. ഒഡിഷ സ്വദേശിയാണ് മരിച്ചത്. പരിക്കേറ്റ മൂന്ന് പേരെയും കളമശേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
മൃഗക്കൊഴുപ്പ് സംസ്‌കരിക്കുന്ന കമ്പനിയില്‍ ഇന്നലെ രാത്രി 11 ഓടെയാണ് സംഭവം. ഗ്യാസ് സ്റ്റൗ പൊട്ടിത്തെറിച്ചതാകാമെന്നാണ് പ്രാഥമിക വിവരം.
അപകടം നടന്ന സമയത്ത് ഫാക്ടറിയില്‍ നാല് പേരാണ് ഉണ്ടായിരുന്നത്. നാല് പേരും ഒഡിഷ സ്വദേശികളാണ്. ഫയര്‍ ഫോഴ്‌സും പൊലീസും സ്ഥലത്തെത്തി.