ജനീവ: ലോകാരോഗ്യ സംഘടനയുടെ കണക്കനുസരിച്ച്‌ ലോകത്തിൽ പത്തിൽ ഒരാൾക്ക് കൊറോണ വൈറസ് ബാധിച്ചിരിക്കാം. കോവിഡ് -19 കേന്ദ്രീകരിച്ച് ലോകാരോഗ്യ സംഘടനയുടെ 34 അംഗ എക്സിക്യൂട്ടീവ് ബോർഡിന്റെ യോഗത്തിൽ തിങ്കളാഴ്ച സംസാരിച്ച ഡോ. മൈക്കൽ റയാൻ ആണ് ഈ വെളിപ്പെടുത്തൽ നടത്തിയത്. "ഈ കണക്കുകൾ നഗരങ്ങളിൽ നിന്ന് ഗ്രാമത്തിലേക്കും വിവിധ ഗ്രൂപ്പുകൾക്കിടയിലും വ്യത്യാസപ്പെട്ടിരിക്കുന്നു എന്നാൽ, ആത്യന്തികമായി ഇത് അർത്ഥമാക്കുന്നത് ലോകത്തിന്റെ ബഹുഭൂരിപക്ഷവും അപകടത്തിലാണ് എന്നാണ്" അദ്ദേഹം കൂട്ടിച്ചേർത്തു.