തിരുവനന്തപുരം: പി.എസ് സഞ്ജീവിനെ എസ്എഫ്ഐയുടെ പുതിയ സംസ്ഥാന സെക്രട്ടറിയായി തിരഞ്ഞെടുത്തു. എസ്എഫ്ഐ കണ്ണൂര്‍ ജില്ലാ സെക്രട്ടറിയായിരുന്നു പി.എസ് സഞ്ജീവ്. പി.എം ആര്‍ഷോ സ്ഥാനം ഒഴിയുമെന്ന് നേരത്തെ റിപ്പോര്‍ട്ടുകളുണ്ടായിരുന്നു.
സെക്രട്ടറി സ്ഥാനത്തേക്ക് കെ. അനുശ്രീയും പരിഗണിക്കപ്പെട്ടിരുന്നു. എന്നാല്‍ പി.എസ് സഞ്ജീവിനെ തിരഞ്ഞെടുക്കുകയായിരുന്നു. പ്രസിഡന്റ് സ്ഥാനത്ത് നിന്ന് കെ. അനുശ്രീയും ഒഴിഞ്ഞു.
എം. ശിവപ്രസാദ് ആണ് സംസ്ഥാന പ്രസിഡന്റ്. ശിവപ്രസാദ് എസ്എഫ്ഐ ആലപ്പുഴ ജില്ലാ സെക്രട്ടറിയാണ്. എസ്എഫ്ഐ സംസ്ഥാന സമ്മേളനം ഇന്ന് സമാപിക്കും.