കോഴിക്കോട്: കത്തോലിക്ക കോണ്‍ഗ്രസ് നേതൃത്വം നല്‍കുന്ന ക്രൈസ്തവ അവകാശ പ്രഖ്യാപന റാലിയും പൊതു സമ്മേളനവും ഏപ്രില്‍ അഞ്ചിന് കോഴിക്കോട് നടക്കും. മുതലക്കുളം മൈതാനിയില്‍ നടക്കുന്ന പരിപാടിയില്‍ താമരശേരി രൂപതയിലെ മുഴുവന്‍ ഇടവകകളും സംഘടനകളും മറ്റ് ക്രൈസ്തവ സമുദായ പ്രതിനിധികളും സംബന്ധിക്കും.
വനം-വന്യജീവി പ്രശ്‌നങ്ങള്‍ക്ക് ശാശ്വത പരിഹാരം കണ്ടെത്തുക, ജസ്റ്റിസ് ജെ.ബി. കോശി കമ്മീഷന്‍ റിപ്പോര്‍ട്ട് പുറത്തു വിട്ട് നടപ്പില്‍ വരുത്തുക, മതിയായ രേഖകള്‍ ഉള്ള കര്‍ഷക ഭൂമി പരിസ്ഥിതിയുടെ മറവില്‍ പിടിച്ചെടുക്കാനുള്ള നിയമങ്ങളും നീക്കങ്ങളും അവസാനിപ്പിക്കുക, ന്യൂനപക്ഷമായ ക്രൈസ്തവരുടെ അവകാശങ്ങള്‍ ഉറപ്പു വരുത്തുകയും ക്രൈസ്തവര്‍ക്കെതിരെയുള്ള നീതി നിഷേധങ്ങള്‍ തടയുകയും ചെയ്യുക, നീതിപൂര്‍വമായ സംവരണം ക്രൈസ്തവര്‍ക്ക് ഉറപ്പാക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സമ്മേളനം നടത്തുന്നത്.