ഷാർജ: ഷാ‍ർജയിലെ പൊതുസ്വകാര്യ വിദ്യാലയങ്ങളില്‍ വിദൂര പഠനം തുടരാന്‍ ഷാർജ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്‌മെന്റ് വകുപ്പിന്റെ നിർദ്ദേശം.
നിലവിലെ അധ്യയന വർഷം അവസാനിക്കുന്ന 2021 മാർച്ച് 25 വരെ 100 ശതമാനം വിദൂര പഠന രീതി തുടരും. നഴ്സറികൾക്കും ഈ തീരുമാനം ബാധകമാണ്. നേരത്തെ ഫെബ്രുവരി 28 വരെ വിദൂര പഠനരീതി നടപ്പിലാക്കുമെന്നാണ് അധികൃതർ അറിയിച്ചിരുന്നത്.
എന്നാൽ നിലവിലെ സാഹചര്യങ്ങൾ വിലയിരുത്തിയ ശേഷം നിലവിലെ രണ്ടാം സെമസ്റ്റർ അവസാനിക്കുന്ന മാർച്ച് 25 വരെ വിദൂര പഠന രീതി തുടരാൻ അധികൃതർ തീരുമാനിക്കുകയായിരുന്നു.