കൊച്ചി: ലോകം ഇരുട്ടിലേക്കും അരാജകത്വത്തിലേക്കും അടിച്ചമര്‍ത്തലുകളിലേക്കും വഴുതി വീഴുന്നുവെന്നു ഭയപ്പെടുന്ന ഈ കാലഘട്ടത്തിലും പ്രത്യാശ നഷ്ടപ്പെടുത്തരുതെന്ന് മനുഷ്യരോട് ആഹ്വാനം ചെയ്യുകയാണ് യേശുവിന്റെ ഉയിര്‍പ്പ് തിരുനാളെന്ന് കേരള കത്തോലിക്ക മെത്രാന്‍ സമിതി.
ജീവിതത്തില്‍ നേരിടേണ്ടി വരുന്ന ലളിതവും സങ്കീര്‍ണവുമായ പ്രതിസന്ധികളും പ്രതിലോമകരമായ പ്രശ്നങ്ങളും അതിജീവിക്കാന്‍ മനുഷ്യര്‍ക്ക് കഴിയുമെന്ന് സ്വജീവിതം കൊണ്ട് സാക്ഷ്യപ്പെടുത്തിയ യേശു, മഹത്വ പൂര്‍ണമായ തന്റെ ഉത്ഥാനം വഴി മരണത്തെ പോലും ഭയപ്പെടാതെ സമീപിക്കണമെന്ന് ലോകത്തെ പഠിപ്പിക്കുകയാണെന്ന് വിശ്വാസികള്‍ക്ക് ഉയിര്‍പ്പു തിരുനാളിന്റെ മംഗളങ്ങള്‍ നേര്‍ന്ന് കെസിബിസി പറഞ്ഞു.