തിരൂര്‍: മലപ്പുറം തിരൂരില്‍ സ്‌കൂളില്‍ ആര്‍.എസ്.എസിന്റെ ഗണഗീതം പാടി കുട്ടികള്‍. ആലത്തിയൂര്‍ കെ.എച്ച്.എം.എച്ച്.എസ് സ്‌കൂളിലാണ് ഇക്കഴിഞ്ഞ സ്വാതന്ത്ര്യ ദിനത്തിന് കുട്ടികള്‍ ഗണഗീതം പാടിയത്.
കുട്ടികള്‍ പാടാന്‍ തീരുമാനിച്ച ഗാനങ്ങള്‍ മുന്‍കൂട്ടി പരിശോധിച്ചിരുന്നില്ലെന്നും അബദ്ധം പറ്റിയതാണെന്നുമാണ് സ്‌കൂള്‍ അധികൃതര്‍ നല്‍കുന്ന വിശദീകരണം. സാധാരണയായി ആര്‍എസ്എസിന്റെ ശാഖകളില്‍ പാടാറുള്ളതാണ് ഈ ഗാനം.
വിദ്യാര്‍ഥികളെ ഗ്രൂപ്പുകളായി തിരിച്ചാണ് പരിപാടികള്‍ നടത്തിയിരുന്നത്. അത്തരത്തില്‍ ഒരു ഗ്രൂപ്പിലെ കുട്ടികളാണ് ഗണഗീതം ആലപിച്ചത്. കുട്ടികള്‍ തിരഞ്ഞെടുത്ത പാട്ടുകള്‍ പരിശോധിക്കാനുള്ള സമയം കിട്ടിയില്ല എന്നാണ് സ്‌കൂള്‍ അധികൃതരുടെ വിശദീകരണം.
വിദ്യാര്‍ഥികള്‍ക്ക് എവിടെ നിന്നാണ് ഈ പാട്ട് ലഭിച്ചതെന്നോ, എങ്ങനെയാണ് അവര്‍ ഈ പാട്ട് തിരഞ്ഞെടുത്തതെന്നോ അറിയില്ല. കുട്ടികള്‍ ഗണഗീതം പാടുന്ന ദൃശ്യങ്ങള്‍ പുറത്തു വന്നതോടെ ഡിവൈഎഫ്ഐ അടക്കമുള്ള സംഘടനകള്‍ പ്രതിഷേധവുമായി രംഗത്തെത്തിയിട്ടുണ്ട്.