കൊച്ചി: നെടുമ്പാശേരി അന്താരാഷ്ട്ര വിമാനത്താവളത്തില്‍ കസ്റ്റംസിന്റെ വന്‍ ലഹരിവേട്ട. ആറ് കോടി രൂപ വിലമതിക്കുന്ന ഹൈബ്രിഡ് കഞ്ചാവുമായി ഫാഷന്‍ ഡിസൈനര്‍ പിടിയിലായി.
ബാങ്കോക്കില്‍ നിന്നെത്തിയ കൊടുങ്ങല്ലൂര്‍ സ്വദേശി അബ്ദുല്‍ ജലീല്‍ ജസ്മാലാണ് പിടിയിലായത്. ബാഗിന് അകത്ത് പ്രത്യേകം ഒളിപ്പിച്ച നിലയിലാണ് ആറ് കിലോ ഹൈബ്രിഡ് കഞ്ചാവ് കണ്ടെത്തിയത്.
ബാങ്കോക്കില്‍ നിന്ന് കഞ്ചാവ് സിംഗപ്പൂരില്‍ എത്തിച്ച ശേഷമാണ് കേരളത്തിലേക്ക് കടത്തിയതെന്നാണ് അന്വേഷണ ഉദ്യോഗസ്ഥര്‍ വ്യക്തമാക്കുന്നത്.