തിരുവനന്തപുരം: സംസ്ഥാനത്ത് എസ്.എസ്.എല്.സി, ഹയര്സെക്കന്ററി പരീക്ഷാ തിയതികള് പ്രഖ്യാപിച്ചു. തിരുവനന്തപുരത്ത് വിളിച്ച വാര്ത്താ സമ്മേളനത്തിലാണ് വിദ്യാഭ്യാസ മന്ത്രി വി ശിവന്കുട്ടി പരീക്ഷാ തിയതികള് പ്രഖ്യാപിച്ചത്.
2026 മാര്ച്ച് അഞ്ച് മുതല് മാര്ച്ച് 30 വരെയാണ് എസ്.എസ്.എല്.സി പരീക്ഷ നടക്കുക. രാവിലെ 9.30 ന് പരീക്ഷകള് തുടങ്ങും. മെയ് എട്ടിനാണ് എസ്എസ്എല്സി ഫല പ്രഖ്യാപനം.
മാര്ച്ച് അഞ്ച് മുതല് 27 വരെ ഹയര് സെക്കന്ററി ഒന്നാം വര്ഷ പരീക്ഷകളും, മാര്ച്ച് ആറ് മുതല് 28 വരെ രണ്ടാം വര്ഷ പരീക്ഷകളും നടക്കും. ഒന്നാം വര്ഷ പരീക്ഷ ഉച്ചയ്ക്ക് 1.30 നും രണ്ടാം വര്ഷ പരീക്ഷ രാവിലെ 9.30 നും ആരംഭിക്കും. സംസ്ഥാനത്ത് 3000 പരീക്ഷ കേന്ദ്രങ്ങളിലാണ് പരീക്ഷ നടക്കുകയെന്നും വിദ്യാഭ്യാസ മന്ത്രി പറഞ്ഞു.