മാഞ്ഞുപോയത് മലയാള സിനിമയിലെ ബഹുമുഖ പ്രതിഭ
കൊച്ചി: പ്രമുഖ നടനും തിരക്കഥാകൃത്തും സംവിധായകനുമായ ശ്രീനിവാസന് അന്തരിച്ചു. 69 വയസായിരുന്നു. കൊച്ചിയില് ഇന്ന് രാവിലെയായിരുന്നു അന്ത്യം. 48 വര്ഷം നീണ്ട സിനിമാ ജീവിതത്തില് ഇരുന്നുറിലേറെ ചിത്രങ്ങളില് അദേഹം അഭിനയിച്ചിട്ടുണ്ട്.
മലയാളത്തെ ചിരിപ്പിക്കുകയും ചിന്തിപ്പിക്കുകയും ചെയ്ത മഹാപ്രതിഭയാണ് ശ്രീനിവാസന്. സ്വന്തം സിനിമകളിലൂടെ സാധാരണക്കാരന്റെ പ്രശ്നങ്ങള് നര്മത്തിന്റെ സഹായത്തോടെ വെള്ളിത്തിരയിലെത്തിച്ചവരില് മുന്നിലാണ് ശ്രീനിവാസന്. 1976 ല് പി. എ. ബക്കര് സംവിധാനം ചെയ്ത മണിമുഴക്കം എന്ന ചിത്രത്തിലൂടെയാണ് അഭിനയ രംഗത്തെത്തുന്നത്. 1984 ല് ഓടരുതമ്മാവാ ആളറിയാം എന്ന സിനിമയ്ക്ക് കഥ എഴുതിയാണ് തിരക്കഥാ രംഗത്തേക്ക് കടന്നത്.
1956 ഏപ്രില് നാലിന് കൂത്തുപറമ്പ് പാട്യത്താണ് ജനിച്ചത്.
ഭാര്യ: വിമല. മക്കള്: വിനീത് ശ്രീനിവാസന് (സംവിധായകന്, ഗായകന്, അഭിനേതാവ്), ധ്യാന് ശ്രീനിവാസന് (സംവിധായകന്, അഭിനേതാവ്).
പല സാധാരണ സാമൂഹിക പ്രശ്നങ്ങളും കുറിക്ക് കൊള്ളുന്ന സംഭാഷണങ്ങള് കൊണ്ടും അതിന്റെ സന്ദര്ഭ പ്രാധാന്യം കൊണ്ടും അവിസ്മരണീയമാക്കുക എന്നത് ശ്രീനിവാസന്റെ സിനിമകളുടെ പ്രത്യേകതയാണ്.