കാസര്കോട്: നിയമസഭാ തിരഞ്ഞെടുപ്പില് ജമാഅത്തെ ഇസ്ലാമിയുടെ പിന്തുണ സ്വീകരിക്കുമെന്ന് പ്രതിപക്ഷ നേതാവ് വി.ഡി. സതീശന്. ജമാഅത്തെ ഇസ്ലാമി അമീര് തന്നെ മതരാഷ്ട്ര വാദത്തെ തള്ളിപ്പറഞ്ഞതാണെന്നും പിന്നെ പിന്തുണ സ്വീകരിക്കുന്നതില് എന്താണ് തെറ്റെന്നും വി.ഡി. സതീശന് ചോദിച്ചു.
മതരാഷ്ട്ര വാദം അവര് കൂടെ കൊണ്ടു നടന്നിരുന്ന കാലമുണ്ടായിരുന്നു. അക്കാലത്ത് ഏകദേശം നാല് പതിറ്റാണ്ടോളം അവര് സിപിഎമ്മിന്റെ കൂടെയായിരുന്നു എന്ന കാര്യം മറക്കരുത്. അപ്പോഴൊന്നും ആര്ക്കും ഒരു കുഴപ്പവും ഉണ്ടായിരുന്നില്ലെന്നും പ്രതിപക്ഷ നേതാവ് പറഞ്ഞു.
സിപിഎമ്മിന്റെ കൂടെ നില്ക്കുമ്പോള് എല്ലാവരും മതേതരവാദികളും സിപിഎം വിട്ടു കഴിഞ്ഞാല് ഉടന് വര്ഗീയവാദികളും ആകും. ആ നിലപാടിനോട് ഞങ്ങള്ക്ക് യോജിപ്പില്ല. ജമാഅത്തെ ഇസ്ലാമി യുഡിഎഫിന് പിന്തുണ പ്രഖ്യാപിച്ചതോടെയാണ് ഇതെല്ലാം പ്രശ്നമാകുന്നതെന്നും അത്തരം നിലപാട് ശരിയല്ലെന്നും വി.ഡി. സതീശന് പറഞ്ഞു.