തിരുവനന്തപുരം: മൂന്ന് വയസുകാരന് തെരുവ് നായയുടെ ആക്രമണത്തില് ഗുരുതര പരിക്ക്. വാമനപുരം, കണിച്ചോട് സ്വദേശി കെല്വിനാണ് ആക്രമണത്തില് പരിക്കേറ്റത്. ശനിയാഴ്ച രാവിലെ പത്തോടെ വീടിന് മുന്നില് കളിക്കുന്നതിനിടെയാണ് കുട്ടിക്ക് നായയുടെ കടിയേറ്റത്.
മൂക്കിലും വായിലും നെറ്റിയിലുമാണ് കടിയേറ്റത്. മുഖത്താകെ ഗുരുതര പരിക്കേറ്റ മൂന്ന് വയസുകാരനെ ആദ്യം വാമനപുരം സാമൂഹികാരോഗ്യ കേന്ദ്രത്തിലും തുടര്ന്ന് തിരുവനന്തപുരം മെഡിക്കല് കോളജ് ആശുപത്രിയിലും പ്രവേശിപ്പിച്ചു. കുട്ടിയുടെ ആരോഗ്യനില സംബന്ധിച്ച് കൂടുതല് വിവരങ്ങള് ലഭ്യമായിട്ടില്ല.