തിരുവനന്തപുരം: സംസ്ഥാനത്ത് ഒഴിവ് വരുന്ന മൂന്നു രാജ്യസഭാ സീറ്റുകളിലേക്കുള്ള തെരഞ്ഞെടുപ്പ് ഏപ്രില് പന്ത്രണ്ടിന് നടക്കും. വയലാര് രവി, പി.വി അബ്ദുള് വഹാബ്, കെ.കെ രാഗേഷ് എന്നിവരുടെ കാലാവധി അടുത്തമാസം അവസാനിക്കുന്ന പശ്ചാത്തലത്തിലാണ് തെരഞ്ഞെടുപ്പ്.
മാര്ച്ച് 24ന് ഇത് സംബന്ധിച്ച വിജ്ഞാപനം പുറപ്പെടുവിക്കും. ഏപ്രില് 12ന് രാവിലെ ഒന്പത് മുതല് വൈകിട്ട് നാലുവരെയാണ് വോട്ടെടുപ്പ് നടക്കുക. വൈകിട്ട് അഞ്ചിന് വോട്ടെണ്ണും. കോവിഡ് മാനദണ്ഡങ്ങള് പാലിച്ചായിരിക്കും തെരഞ്ഞെടുപ്പ് നടക്കുക. സംസ്ഥാനത്തെ മുഖ്യ തെരഞ്ഞെടുപ്പ് കമ്മീഷണര് ടിക്കാറാം മീണയ്ക്ക് തന്നെയാണ് രാജ്യസഭ തെരഞ്ഞെടുപ്പിന്റെയും ചുമതല.