വാഹനത്തിന്‍റെ നമ്പർ പ്ലേറ്റുകള്‍ കൃത്യമായി കാണണമെന്ന് ഓർമ്മപ്പെടുത്തി അബുദബി പോലീസ്. വ്യക്തമായി ദൃശ്യമാകാത്തതോ, മറയ്ക്കപ്പെട്ടതോ ആയ നമ്പർ പ്ലേറ്റുകളോട് കൂടിയ വാഹനങ്ങൾക്ക് 400 ദിർഹം പിഴ ചുമത്തും. നമ്പർപ്ലേറ്റ് മറയ്ക്കപ്പെട്ട വാഹനത്തിന്‍റെ ചിത്രം ട്വീറ്റ് ചെയ്തുകൊണ്ടാണ് ഡ്രൈവർമാർക്ക് പോലീസ് ഇത് സംബന്ധിച്ച മുന്നറിയിപ്പ് നൽകിയത്. ഇത്തരം നിയമലംഘനങ്ങള്‍ ശ്രദ്ധയില്‍ പെട്ടാല്‍ അറിയിക്കണമെന്ന് പൊതുജനങ്ങളോടും നി‍ർദ്ദേശിച്ചിട്ടുണ്ട്.