ദുബായ്: കോവിഡ് വാക്സിനെടുത്ത ജീവനക്കാരും യാത്രാക്കാരുമായി ചരിത്രയാത്രനടത്തി എമിറേറ്റ്സ്. യുഎഇയുടെ വാക്സിനേഷന്‍ പ്രക്രിയയില്‍ നിന്ന് പ്രചോദനമുള്‍ക്കൊണ്ട് കൂടുതല്‍ പേരെ വാക്സിനെടുക്കാന്‍ പ്രോത്സാഹിപ്പിക്കുകയെന്നുളള ലക്ഷ്യത്തോടെയാണ് എമിറേറ്റ്സ് പ്രത്യേക യാത്രയൊരുക്കിയത്.
വെളളിയാഴ്ചയാണ് ഇ കെ 2021 വിമാനം ദുബായ് എയർപോർട്ട് ടെർമിനല്‍ മൂന്നിൽ നിന്ന് പ്രാദേശിക സമയം ഉച്ചക്ക് 12.30 ന് യാത്ര ആരംഭിച്ചത്. യുഎഇയിലെ വിവിധ സ്ഥലങ്ങളിലൂടെ കടന്ന് പോയി 4.30 ന് തിരിച്ച് വിമാനത്താവളത്തിലെത്തി. ഭക്ഷണവും സിനിമയുള്‍പ്പടെയുളള സൗകര്യങ്ങളെല്ലാം യാത്രക്കാർക്കായി ഒരുക്കിയിരുന്നു.