മാര്‍ട്ടിന്‍ വിലങ്ങോലില്‍
ഡാളസ്: ഡാളസിലെ മലയാളി സോക്കര്‍ ക്ലബായ ഫുട്‌ബോള്‍ ക്ലബ് ഓഫ് കരോള്‍ട്ടന്റെ (എഫ്സിസി) ആഭിമുഖ്യത്തില്‍ നടക്കുന്ന എട്ടാമത് ടെക്സാസ് കപ്പ് മനോജ് ചാക്കോ മെമ്മോറിയല്‍ എവര്‍ റോളിംഗ് ട്രോഫി സോക്കര്‍ ടൂര്‍ണമെന്റ് ഒക്‌ടോബര്‍ 9,10 തീയതികളില്‍ നടക്കും. പ്ലേനോ കാര്‍പെന്റര്‍ പാര്‍ക്ക് റിക്രിയേഷന്‍ സെന്റര്‍ സോക്കര്‍ ഫീല്‍ഡ്
(6701 Coit Road Plano, TX 75024) മത്സരങ്ങള്‍ക്കു വേദിയാകും. ശനിയാഴ്ച ലീഗ് റൗണ്ടുകളും ഞായാറാഴ്ച ക്വര്‍ട്ടര്‍ ഫൈനല്‍, സെമി-ഫൈനല്‍, ഫൈനല്‍ മത്സരങ്ങളും നടക്കും.
ടൂര്‍ണമെന്റിന്റെ ഒരുക്കങ്ങള്‍ പൂര്‍ത്തിയായതായി പ്രദീപ് ഫിലിപ്പ് (എഫ്സിസി പ്രസിഡന്റ്), വിനോദ് ചാക്കോ (സെക്രട്ടറി) എന്നിവര്‍ അറിയിച്ചു. ന്യൂയോര്‍ക്ക്, ചിക്കാഗോ, ഹൂസ്റ്റണ്‍, ഓസ്റ്റിന്‍ തുടങ്ങിയ നഗരങ്ങളില്‍നിന്നുള്ള ടീമുകള്‍ ടൂര്‍ണമെന്റില്‍ പങ്കെടുക്കും. നാഷണല്‍ കോളജ് അസോസിയേഷന്‍ (NCCA) കളിക്കാരും ഇത്തവണ ടൂര്‍ണമെന്റില്‍ കളിക്കുമെന്നു ഭാരവാഹികള്‍ അറിയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.