ചെന്നൈ നിന്നും ദുബായിലേക്കുള്ള ഇന്‍ഡിഗോ വിമാനത്തിന് ബോംബ് ഭീഷണി

ദുബായ്: ചെന്നൈ നിന്ന് ദുബായിലേക്കു വരാനിരിക്കുന്ന ഇന്‍ഡിഗോ വിമാനത്തിന് ബോംബു ഭീഷണി. ചെന്നൈയിലെ പോലീസ് കൺട്രോൾ റൂമിലേക്കാണ്  സന്ദേശം ലഭിച്ചത്. ശനിയാഴ്ച രാവിലെ 7.30 നായിരുന്നു വിമാനം പുറപ്പെടേണ്ടിയിരുന്നത്.

സന്ദേശ പശ്ചാത്തലത്തില്‍ പരിശോധനകള്‍ പുരോഗമിക്കുകയാണെന്നാണ് വിവരം. ഫോണ്‍ കോളിന്റെ ഉറവിടം കണ്ടെത്താനും ശ്രമങ്ങള്‍ നടക്കുന്നുണ്ട്. കൂടുതൽ വിവരങ്ങൾ  ഒന്നും അധികൃതർ പുറത്തു വിട്ടിട്ടില്ല.