രണ്ട് മാസത്തെ ഇടവേളയ്ക്ക് ശേഷം കുവൈറ്റിനും ബഹ്‌റിനും നേരെ ഇറാന്റെ ഡ്രോണ്‍ ആക്രമണം; പ്രതിരോധിച്ചെന്ന് ബഹ്റിന്‍

രണ്ട് മാസത്തെ ഇടവേളയ്ക്ക് ശേഷം കുവൈറ്റിനും ബഹ്‌റിനും നേരെ ഇറാന്റെ ഡ്രോണ്‍ ആക്രമണം; പ്രതിരോധിച്ചെന്ന് ബഹ്റിന്‍

ദുബായ്: ചെറിയ ഇടവേളയ്ക്ക് ശേഷം ഗള്‍ഫിലേക്ക് വീണ്ടും ഇറാന്റെ ഡ്രോണ്‍ ആക്രമണം. കുവൈറ്റിനും ബെഹ്റിനും നേരെയാണ് ആക്രമണമുണ്ടായത്. ആക്രമണ ശ്രമങ്ങളെ വിജയകരമായി പ്രതിരോധിച്ചെന്ന് ബഹ്‌റിന്‍ അറിയിച്ചു.

അതേസമയം തെക്കന്‍ ഇറാനില്‍ അമേരിക്ക ആക്രമണം നടത്തിയതായും ഖഷേം ദ്വീപില്‍ സ്ഫോടനം ഉണ്ടായെന്നും റിപ്പോര്‍ട്ടുകളുണ്ട്. രണ്ട് മാസത്തെ ഇടവേളയ്ക്ക് ശേഷമാണ് ഗള്‍ഫ് മേഖലയിലെ അമേരിക്കയുടെ സഖ്യകക്ഷികളായ അറബ് രാജ്യങ്ങള്‍ക്കുനേരേ ഇറാന്‍ ആക്രമണം നടത്തുന്നത്.

ബഹ്‌റിനിലെ അമേരിക്കന്‍ സൈനിക റഡാര്‍ കേന്ദ്രത്തിനു നേരേ ചൊവ്വാഴ്ച ഡ്രോണ്‍ ആക്രമണമുണ്ടായിരുന്നു. സമീപ ദിവസങ്ങളിലായി ബഹ്‌റിനിലെ അമേരിക്കന്‍ സേനാ താവളങ്ങള്‍ ലക്ഷ്യമിട്ട് ഇറാന്‍ നടത്തുന്ന മൂന്നാം ആക്രമണമായിരുന്നു അത്. വ്യോമപ്രതിരോധ സംവിധാനം ഇറാന്‍ ഡ്രോണുകളെ തടഞ്ഞതായി ബഹ്‌റിന്‍ അറിയിച്ചു.

വെള്ളിയാഴ്ച യുഎസിന്റെ റഡാര്‍ മുന്നറിയിപ്പ് കേന്ദ്രത്തിനും ഞായറാഴ്ച അമേരിക്കന്‍ ഹെലികോപ്റ്റര്‍ താവളത്തിലെ റഡാര്‍ സംവിധാനത്തിനും നേരേ ആക്രമണമുണ്ടായിരുന്നു.



വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26

ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.